Zirtawpni (8.11.2019) khan DC Office Chamber, Mamit-ah Dr. Lalrozama, IAS, District Bawrhsap hovin District Level Task Force chuan One Stop Centre Mamit chu Official-a hawn dan tur rela thutkhawm a ni.

Meeting chuan One Stop Centre chu harsatna dang a awm lo anih chuan Ni 13 November, 2019, Dar 11:00 AM-ah hawn nise tiin a rel a. Tunah hian a mamawh apiangte pan theih turin peihfel a ni tawh a. Office chhungah hian Bed Room (5 beds), Counselling Room, DCA Room, Kitchen leh Bathroom changtlung tak a awm tawh a.  Guidelines-in a phut angin Office bungrua hrang hrang Refrigerator, Computer, Printer, Laptop, Almirah, Inverter bakah Chair leh Dawhkan neih a ni tawh bawk a ni.

One Stop Centre-ah hian tunah hian thawktu mi 8 awmin District Centre Administrator 1, Case Worker 1, Counsellor 1, Paramedical 1, Data Analyst 1, Multipurpose Worker 2 bakah Security 1 an awm mek bawk.

One Stop Centre hi hmeichhia mahni in-a awm thei lo khawpa tihduhdah tuar te, khawtlanga belh tur nei lo te, pasalin an mak pan mai tur hrelo te tan pan theih a ni dawn a. He One Stop Centre hi hun reilote atana awm theihna a ni dawn a. Mi tupawh, a mamawhtu apiang tan inthlahrung lova pan theih an ni.

Meeting-ah hian DLTF Members-te an tel tha hle a ni.