No.4237/2021-2022

Aizawl 11th March, 2022 : Vawiin khan One Stop Centre Office Building thar, Dinthar, Phaizau Road a mi chu Pu Lalnunhlua, Mamit District Bawrhsap chuan khuallian niin a hawng.

Khuallian chuan hmeichhia hleilenna tuarte'n an tlanluhna tur leh an inhumhim lailawkna tur One Stop Centre Building tha tak kan nei ta chu lawmawm a tih thu sawiin Ministry of Women & Child Development, Government of India chungah lawmthu a sawi a. A thawktute chu neitu rilru pu a, hmangaihna leh dawhtheihna nena rawngbawl turin a chah.

He huna khualzahawm Pi Lallianpuii, Director, Women & Child Development, Mizoram leh Special Invitee, Pu Beitlotha Nohro, Settlement Officer, Land Revenue & Settlement, Mamit pawhin thu an sawi bawk.

Pu Saizama, Assistant Engineer, DRDA, i/c OSC chuan Technical Report pein OSC Building chu Rs. 38,06,820/- senga October 2020 atanga sak anih thu a sawi a. A contractor hming hi Pu Zoremtluanga, Kulikawn, Aizawl niin a building zau zawng hi 12.00 × 8.80 Sqm a ni.

One Stop Centre-ah hian hmeichhia tupawh, hleilenna tuar emaw, nupa kara harsatna nei emaw, mahnia harsatna sutkian zawh loh neite tan kum bithliah awm lova pan theih a ni a. Ni nga (5) leh zan nga (5) thleng a awm lailawk theih dawn a ni. OST hian Emergency Response and Rescue Services (Rikrum thila inchhanchhuah leh intanpui), Medical Assistance (Damloh leh inhliam palha tanpuina pek), Assistance to Women in Lodging FIR/NCR/DIR (FIR/NCR/DIR ziahluh dawna intanpui), Psychosocial Support/Counselling (Rilru lama inhawnthawlna leh infuihna), Legal Aid (Dan leh Hrai chungchanga intanpui), Shelter, Video Conferencing Facility te a thawk tlangpui a ni.

One Stop Centre Office Building thar hawnna hun hi Pi Lalhmachhuani, District Programme Officer (ICDS) chuan kaihruaiin Pi Laldinsangi, Centre Administration, OSC chuan report a pe a. Pi Rebec Lalfakzuali, Counsellor, OSC chuan lawmthu sawina a nei a ni.