Vawiin khan LAD Conference Hall, Mamit-ah Development of Ericulture in Mizoram hnuaiah Mamit Aspirational District chhunga pangang khawitu Phaizau leh Mamit huamchhunga mite tan training buatsaih a ni. Dr. Lalrozama, District Bawrhsap chuan khuallian niin training a hawng.

Training hawnna hun hmanpuitu Dr. Lalrozama chuan kan kawtkai ngeia training hlawkthlak tak tur buatsaih a ni chu lawmawm a tih thu a sawi a, Mamit District chu India rama District chawikan ngaite zinga telh kan nih angin, Sawrkar laipui atanga hmasawnna tur tam tak chhawpchhuah sak kan nihte chu hmang tangkaiin District intodelh leh hmasawn kan nih ngei theih nan leh eizawnna ngialnget leh chhenfakawm nei ngei tura training turin kalkhawmte a sawm a ni.

Pu Lalrozama, Director Sericulture pawhin pangang khawi chu eizawnna tlak anih thu a sawi a. Mamit District chhunga pangang khawitute tan pawh tan lakna tur tam tak a la awm a ni tiin North Eastern Region Textile Promotion Scheme( NERTPS) hnuaiah pangang khawi tur mi 500 tlanchhuah turah, Mi 200 tlanchhuah tawh niin, a dang 300 te pawh thlanfel thuai a nih dawn thu a sawi bawk. Heng mite hnenah hian pangang khawi lama hma an lakna tur tanpuina pek an ni dawn a. Pangang atanga siamchhuah chu nitina kan mamawh silhfen leh thildang tam taka kan hman anih avangin a khawitute tan hralhna lamah harsatna leh buaina a awm dawn loh thu a sawi.

Pangang khawi tute tana hriat tur hrang hrang Dr. Lalthlamuana Pachuau Scientist - D, Research Extention Centre (REC) Aizawl, Pu Lalrinawma, DSO Mamit, Dr L. Pachuau, Scientist -D REC.CSB Aizawl, Pu Lalchhuanmawia SI, DSO Mamit leh Pu Vanlalliana, SPO, DSO Mamit te'n zirtirna an pe a ni.

Training hi Pu A. Vanlalliana, SPO, DSO Mamit chuan kaihruaiin Mamit leh Phaizau khua-a pangang khawitute an tel a, Ni 4th March, 2020 thleng a awh ang.

Attachment

  • Loading attachment...