2026/2024-2025

Dated: Mamit the 12th of September, 2024: Vawiin chawhma khan District Working Group Committee leh USAID-a aiawhte chu PRERANA project kalpui dan tur chungchangah Taitesena Buk, DC office Mamit-ah a vawikhatna atan an thukhawm a, Pu Jacob Lalawmpuia, District Bawrhsap chuan he hun hi a kaihruai. Prerana Project hi USAID bul tuma (support) kalpui a ni.

He thutkhawmnaah hian Bawrhsap chuan department aiawh a lo kal te leh USAID lama hotute nen inkawmna hun tha an nei thei chu lawmawm a tih thu a sawi a, vawikhat thukhawmna a nih angin hmasawna kawng a rahbi pawimawh tak a nih thu a sawi. Prerana project chu ruahmanna tha tak, tum chiang tak nei a kalpui a tul a, tin department mai bakah khawtlang leh kohhran hruaitute nen a thawhhona tha neih a pawimawh thu a sawi bawk. Pu Jacob Lalawmpuia chuan phur tak leh thahnem ngai tak a thawh a, hmasawn duhna rilru nen a Mamit district thanlen nan thawk chhunzawm zel tur leh thawhona tha nei turin thutkhawmna a kal te chu a chah bawk a ni. 

Project Prerana in a tum ber chu chhungkaw din (family planning) mumal zawk a kalpui te, rilru hriselna (mental health) chawisan te, gender based violence tih tlem te an ni a. He project hi Mizoramah chuan Mamit district bik a kalpui tum a ni. 

Vawiin thutkhawmnaah hian department aiawhte leh USAID lama hotute chuan Mamit district chhunga harsatna hrang hrang chu sawiin hmalak dan tur tha te an sawi ho bawk a ni.