Vawiin khan Siamliana Hall Mamit-ah Din Dayal Antyodaya Yojana - National Urban Livelihood Mission (DAY - NULM) leh Social Welfare Department, Mamit District tangkawp buatsaihin Rashtriya Poshan Maah (Nutrition Month) kharna hun hman a ni.

Pi C. Lalrinpuii, District Programme Officer, ICDS Mamit chuan Poshan Maah tluang taka an hmang thei chu lawmawm a tih thu sawiin Anganwadi Centre -a Early Childhood Care and Education (ECCE) neih thin chu a pawimawhzia leh chaw tha leh hrisel ei kawngah chhungtinin tan la deuh deuh turin kalkhawmte a fuih.

Nutrition Month kharna hunah hian kalkhawmte'n Anganwadi naupangte'n ei tur tha chi hrang hrang an hriat theih nan hriselna atana ei tur tha chi hrang hrang a lem siamin Presentation an nei a. Hriselna kawnga an hmalak tawhna-a tha leh tihzui tlak ni-a an hriatte sawihona hun an neih bakah Poshan Maah thutiam an chham rual a. Hemi ni pual hian Poshan Rally leh Cleanliness Drive kalkhawmte hian an nei nghal bawk a ni.

He hun hi Pi C. Lalrinpuii, DPO, ICDS-in kaihruaiin Mamit khawpui chhunga Anganwadi Centre hrang hranga thawktute leh DAY-NULM hnuaia Self Help Group (SHG)-te an tel a ni.