2189/2023-2024

Mamit the 6th October, 2023 : Vawiin khan DC Conference Hall, Mamit-ah Right to Information (RTI) Week, 2023 hawnna hun hman a ni a. Pu V.L Remliana, District Bawrhsap chuan khuallian niin a hmanpui a. Dr. Saithantluangi Zote DIPRO chuan he hun hi a kaihruai a ni.

Pu V.L Remliana chuan RTI Week, 2023 hawnna hmang tura kalkhawmte chungah lawmthu sawiin, RTI hmang tangkai turin a nihna tak kan chian a tul a, keini aia thilhria an lo awm zel avangin a bu leh kaihruainate kan chhiar chiana kan hriat zau a tul a ni a ti. RTI Act duanchhuah a nih hnuah langtlang sawrkar siamna kawngah a tangkai hle a, sawrkar kaltlanga hmasawnna hnathawhte chiang tak leh felfai taka vawnthat vek a nih thu a sawi a. RTI Act hmanga zawhna zawtte pawhin dan hnuaiah an zawh ve a ngaih thu sawiin, midangte khen let nan emaw harsatna siam nan te suahsual hrim hrim avanga zawhna kan zawh hian kan Officials hna avanga buai takte harsatna kan siam ve theih thu sawiin. Dan hnuaia inpawh tlang taka RTI hmang tangkai turin kalkhawmte a sawm a ni.

Dr. Saithantluangi Zote, DIPRO chuan keynote address pe-in RTI chu langtlang sawrkar dinna tura sawrkarin dan tha tak a duanchhuah a nih thu leh RTI chungchang sawizauna a nei bawk.

Kalkhawmte atangin zawhna leh chhan hun hman a ni a. Zawhnate hi Pu B. Lalpuia, District Resource Person & Head Faculty, SIRD chuan a chhang a ni.

Vawiin RTI Week, 2023 hawnna hun hi Dr. Saithantluangi Zote, DIPRO chuan kaihruaiin, Pi Carolyn L.B. Khiangte, SDO (Sadar) chuan lawmthusawina a nei a, Mamit khawpui chhunga SPIO, SAPIO-te leh Tlawmngaipawl aiawh, khawtlang hruaitu aiawh, thutharthehdarhtute bakah Mamit College zirlaite an tel a ni.