Vawiin khan Chhimveng YMA Hall, Mamitah International Day of Persons with Disability 2017 hman a ni a. Pu H. Lianzela, Addl D.C Mamit chuan khuallian niin he hun hi a hmanpui.

Khuallian chuan thu sawiin mitinin hlutna leh zahawmna kan nei vek a, hmangaihna a indawm tawn vek kan mamawh a ni. Mihring famkim tumah kan awm lo a, piansualnain tlai luat a nei lo, chuvangin rualbanlote hi hmusit tur kan ni lova, rualbanlo kan tihte hian talent danglam bik tak an nei thin a ni tiin taksa lama piansual ai chuan rilru lama piansualna hi mi tam takin kan nei thin a, a lang chhuak lo mai mai a ni. Kan chanvo/rights inzahsak chunga harsatna a awm pawha dingchhuak thei Society nih kan tum tur a ni a ti.

Pi C.Lalrinpuii, District Programme Officer pawhin thu sawiin Kum 18 atanga Kum 59 te tan Disability Pension pek thin an nih thu leh tun dinhmunah Mamit District chhunga rualbanlo Mi 81 hnenah thlatin Rs 300 an pekchhuah thin thu a sawi.

K.Lalthazuali, Co-ordinator, Inclusive Education for Disabled Student at Secondary Stage (IEDSS) chuan IEDSS (RMSA) hnuaia rualbanloin a huam chinte sawifiahna neiin IEDSS hnuaia School naupangte'n hamthatna an dawn theih te, IEDSS thil tumte bakah IEDSS hmalak dan tlangpui report a pe a. Mary Lalmalsawmi, Co-ordinator, SSA, Mamit District pawhin Mamit District chhunga SSA hmalakna tlangpui report a pe bawk.

He hunah hian RMSA hmaknain School naupang mit lama harsatna nei mi 6 hnenah Tarmit semchhuah niin SSA hnuaiah rualbanlote tan Wheelchair 1 pek a ni bawk.

He hun hi K.Thangkima Head Assistant, SDEO Mamit-in kaihhruaiin rualbanlote hnen atangin Special Items hrang hrang zai leh lam, Balloon rahpuah leh Musical Chair te ngaihthlaka thlirho a ni.