Tukin khan Mamit District School Education Department bultumin 'Run For National Unity' zirlai naupangte tan Venghlun Charkawn atanga Gov't Mamit High School Chhimveng thleng buatsaih a ni. Run For National Unity hi Pu Paul Rokima, DIPRO, Mamit chuan a vailiam a ni.

Run For National Unity hi Sardar Vallabhbhai Patel piancham denchhena 'Rastriya Ekta Saptah' kar khat chhung awh tura buatsaih niin a thil tum ber chu India ram mipui, hnam hrang hrang leh Sakhaw hrang hrang vuantute nasa zawka kan inpumkhat theihna tura ruahman a ni.

Run For Unity Mamit-a buatsaihah hian Programme tawi hman niin Pi R.Lalnunthari, District Education Officer chuan ram leh hnam dinchhuahna tur chuan inpumkhatna a pawimawhzia sawiin, hnam hrang leh sakhaw hrang vuantute pawh ni mahila kan inpumkhatna a that phawt chuan ram nuam tak kan siam thei a ni a ti a. Pu Paul Rokima, DIPRO, Mamit chuan inpumkhatna hi dinchhuahna a ni a, India ram hmasawnna tur leh ram inpumkhatna tichhe zawnga awm lo tur leh chi leh chi inthliarna te tibo a, inpumkhatna tura tan la zel turin kalkhawmte a sawm a ni.

He hun hi Pu Lalnunthara, Deputy DPC, RMSA chuan a kaihruai a ni.