No.1238/2020-2020

Mamit 20th May, 2020 : Vawiin khan DC Conference Hall, Mamit-ah Dr. Lalrozama, IAS, District Bawrhsap, District Magistrate ni bawk hovin Mamit khawpui chhunga Sa rate chungchang ngaihtuaha thutkhawm a ni.

Meeting kaihhruaitu Dr. Lalrozama chuan kalkhawmte chungah lawmthu sawiin Mamit khawpui chhungah hun eng emaw lai atanga Sa rate mumal thei lo chu mumal zawka kan kal theih nana inkokhawm an nih thu a sawi a. Sa talh thinte pawh mipuite hmakhua ngai a, sa thianghlim chauh talh thin turin a ngen nghal bawk.

Meeting-ah hian Mamit khawpui chhunga hman tur Sa rate uluk taka ngaihtuah a ni a. Heng bakah hian Sa rep zuar thinte pawhin sa hring gram 800 an rep thin chu an rep dan azirin a rep hnuah a buk a inan loh thin avangin Sa rate rualkhai zawk leh mumal zawk a awm theih nan a hnuai ami ang hian Sa rate bithliah a ni.

1. Vawksa Kg 1 - Rs 350/-

2. Vawksa, rep hnua Gram 600 tling ngei - Rs 350/-

3. Bawngsa a ti hlang Kg 1 - Rs 400/-

4. Bawngsa ruhkawl Kg 1- Rs 300/-

5. Bawngsa ti hlang, rep hnua gm 600 tling ngei - Rs 400/-

6. Bawngsa ruhkawl rep Gram 600 - Rs 300/-

5. Arsa Kg 1 - Rs 300/-

6. Vur (Challan) Sangha Kg 1 - Rs 250/-

7. Local (Tuikhuah) Sangha Kg 1 - Rs 300/-

8. Uisa Kg 1 - Rs 400/-

9. Kelsa Kg 1 - Rs 500/-

10. Bawngthin Kg 1 - Rs 450/-

Meeting chuan Mamit khawpui chhunga Sa talh thinte leh sa zuar thinte chu Sa rate siam thar chu ngaipawimawh tur leh zawm ngei turin a ngen a. Mipuite pawhin Sa rate ngaipawimawh a, rualkhai zawka kan kal theihna tur anih hria a, Sa rate lo anga lei lo ngam zel turin a chah nghal bawk.

Vawiina Sa rate siam thar hi karleh Thawhtanni Ni 25.05.2020 atanga hman tan tur a ni ang.

Vawiin Meeting chuan Sa rate siam thar anih avang hian Sa talh thin te'n harsatna an tawk thei a, hei bakah hian mipuite mamawh daih Sa thianghlim kan District-in kan la intodelh lo hle a. Sa talh tur chungchangah pawh harsatna awm palh thei anih thu tarlangin, harsatna awm palh thulhah pawh a tul anga Sa rate hi ennawn leh theih anih dawn thu a tarlang bawk.

Vawiin Meeting-ah hian Sa zuar Association hrang hrang hruaitute, Jt. VC Chairman, DVO, DFDO Mamit bakah Thutharthehdarhtute an tel a ni.