No.1237/2020-2020

Vawiin chawhma khan Polytechnic Quarantine Facility, Thingdawlah Farmers Society, Mualkhang hmalakna a Mualkhang khaw mipuite thlai thar thawh khawm chu Kolasib Quarantine Facility a khunghran te eiturin Kolasib district thuneitute hnenah an hlan.

Kolasib District Administration aiawh hian Pu Vanlalchhuanawma Chawngthu, SDO Sadar in thilpek hi a lo dawng a, Mualkhang khawtlang chungah lawmthu sawiin heng thilpek an dawn te hi Quarantine Facility enkawltute leh dahhran mek te tan malsawmna nasa tak a nih thu a sawi bawk a ni.

Quarantine Facility a Mualkhang khawtlangin thlaithar an hlan hi Farmers Society, Mualkhang hmalakna a ruahman a ni a, Pu Lalfakawma, President, Farmers Society, Mualkhang chuan, hun khirh tak rampumin a kan hmachhawn mek lai a, kan phak tawk leh theih tawk ah mipui tan a sawrkar hmalakna tanpui an duh ve avanga heng thlaitharte hi hlan an nih thu a sawi.

Mualkhang ten a thlai an hlan ah hian Phuihnam, Chingit, Bahkhawr, Hmarcha, Aidu, Tumbu, Rawtuai rep, Lambak, Chakawk, Sawhthing, Changkhate, Thingfanghma, Balhla, Theihhai leh Tengtere thahnem tak a tel a ni.

Vawiin thlaithar hlanna hi Dr Engkunga, DVO, Kolasib leh Zonal Magistrate, Pu Hmingthanzuala, DIPRO, Pu C Liankunga, President, Sub Headquarter YMA, Kolasib te leh Thingdawl YMA hruaituten an telpui a ni.