Vawiin khan Fisheries Office Hall Mamit-ah ICAR - Central Institute of Fisheries Education, (Deemed University, Kolkata Centre leh Department of Fisheries, Government of Mizoram bultumin Mamit District chhunga Sangha khawitute tan Training buatsaih a ni a. Pu H.D Lalpekmawia, SDO (Sadar) Mamit chuan khuallian niin he hun hi a hmanpui.

Khuallian chuan Sangha khawitute tana Training buatsaih a ni chu lawmawm a tih thu sawiin eng thil pawh tih tak takna tello chuan hlawhtlinna a awm thei lova, Sangha khawi pawh tih tak takna leh tuichilhna tak tak neih a pawimawh a ni a ti. Khawtlang intodelhna tur hrang hrangah, a hlawhtlinna chu a changtu Sorkar Department- te mawhphurhnaah chauh dah lova mitinin mawhphurhna kan nei tih hre thar tura chahin hlawk taka Training chu hmang theuh turin duhsakna a hlan.

Training hi Dr. G.H Pailan leh Dr. S. Munilkumar Kolkata-te chuan pein Sangha enkawl dan hrang hrang, Sangha chi siam dan leh Sangha chaw pek chi leh a pek dan tur hrang hrangah a lem nen zirtirna an pe a ni.

Vawiin Training-ah hian Mamit District chhunga Sangha khawitute an tel tha hle a. Training hian Ni 25 ( Zirtawpni) thleng a awh ang.