Vawiin khan Chapchar Kut 2019 hman dan tur ngaihtuahin Aizawla hman tur Chapchar Kut 2019 Programme Sub-Committee Programme Sub-Committee chu an Chairman Pu R.Hmingthanzuala pisa ah a vawikhat nan an thukhawm.

Aizawl Sipai lammuala ;awm tur Chapchar Kut 2019 hi nihnih awh tura ruahman niin February ni 28, 2019 (Ningani) leh March ni 1, 2019 (Zirtawpni) ah neih ani ang a, a nikhatna ah hian Art & Culture Minister Pu R. Lalzirliana “Kut Pa” ah tangin a nihnihna ah Chief  Minister Pu Zoramthanga chu “Kut Pa” ani ang.

Ruahman dan chuan a nihnihna March ni 1, 2019 (Zirtawpni) hian “Chapchar Kut Kawngzawhpui” neih ani ang a, chawhma dar 10:00 ah Israel Point leh Treasury Square atangin Chapchar Kut hmanna tur Aizawl Sipai Lammual panin thuang hnihin kawng zawh ani ang a, hetah hian Brass Band in hma hruaiin zohnahthlak hnam hrang hrang incheina a inchei ten an zui bakah lam thiam leh zaithiam te nen kawng hi zawh tum a ni. Hei bakah hian Chapchar Kut a hlan tur mizo zinga khawvel pum huapa chawimawi tlak thlang chhuak tur sub-committee din ani bawk.

Chapchar Kut 2019 thupui atan “Zofate Inpumkhatna” tih chu thlan a ni a, Khawvel hmun hrang hrang atangin zohnathlak hnam hrang hrang aiawhte kut chhim tur hian sawm an ni ang a, mizo infiamna chi hrang hrang bakah Khuangchawi, Drama, hnam lam chi hrang hrangte pholan tum a ni ang.