Republic Day, 2019 chu India ram hmun dang ang bawkin Ni 26th January, 2019 hian Mizoram hmun hrang hrangah hman tum aniin Aizawlah chuan a hnuaia mi ang hian programme duan fel ani.
Zing ni chhuah rualin Sorkar building leh mimal in ah te Hnampuan zar ani anga. Sakhaw hrang hrang Biak In ah India ram leh mipui te tana tawngtai sak tur ani.Zing dar 7:58 ah Aizawl Republic Day Programme hmanna tur pui ber A.R Lammualah khuallian tur Mizoram Larsap Pu Kummanam Rajasekharan a lo thleng anga, Hnam Puanzar a pawtparh hnu ah March Past Parade Contigents te a tlawh kual hnuin Republic Day thuchah a sawi nghal ang.
Chumi hnuah National/State awards sem tur a awm chuan a sem anga, Parade Contigents te hnenah lawmman sem nghal ani bawk ang.
Chhun Dar 11 ah sawmbik te nena thingpui in ho Governor’s ‘AT HOME’ Zoram Larsap In tual ah neih zui nghal ani anga. Hemi ni hian 1st Bn MAP Brass Band te’n Hnam hla te rimawiin an rem dawn ani.
Republic Day lawmna turah hian A.R.Ground ah kal tur leh tel turin mi zawng zawng sawm an ni e.
