2284/2023-2024

Mamit the 12th October, 2023 : Vawiin khan Mamit DC Conference Hall-ah Mizoram Legislative Assembly General Election 2023 inthlan lo awm tura Sector Officer/Magistrate mi 15 te'n Training an nei.

Vawiin-a Sector Officer training ah hian District Election Officer, Pu VL Remliana chuan Mamit Constituency huam chhunga MLA General Election 2023 atana Section Officers/ Magistrate kalkhawmte chu an duty-na huamchhunga Polling Party tinte enkawl dan ah te, Report pek dan ah te, inthlanna hmanrua EVM leh VVPAT a harsatna awm thei hrang hrangte chinfel dan tur leh report dan ah te fimkhur leh uluk taka an ngaihtuahna hmang turin a chah a, Election felfai tak neih theih nan leh mitin in zangkhai taka vote an thlak theihna tura thawk ho turin a sawm bakah Magistrate awmzia hrilhfiahna hun a hmang bawk a ni.

He training-ah hian SDO (Sadar) Pi Carolyn L.B. Khiangte in Election Commission in Sector Officer/ Magistrate te hna tura a tarlante chu zirtirna a pe a ni. Sector Magistrate kal khawmte hian an hriatthiam loh laite, harsatna la awm palh thei thilte leh chung a lo thlen palh pawha chin fel thuai a nih theih dan turte zawtin an sawiho na neih zui a ni.

Section Officer pakhat hian Polling Station 8 atanga 10 an chang/vil a ni.

Mamit District hnuaiah hian Assembly Constituency pathum, 1- Hachek (ST) AC, 2- Dampa (ST) AC, 3- Mamit (ST) AC awmin tun dinhmunah Mamit District chhungah Voters 64,787 an awm mek a ni.