Vawiin khan I&PR Conference Hall, Mamitah Administrative Training Institute (ATI) kaihhruaina hnuaiah Mamita Department hrang hranga Sorkar hnathawktute tan Induction Training Programme for cutting Edge buatsaih a ni a. Pi Lalbiaksangi, Mamit District Bawrhsap chuan Motivational speaker niin Training hi a hmanpui.

Mamit DC chuan Sorkar hna-a rinawm pawimawhna leh mi rintlak nih hlutna ama thil tawn tawh atangin kalkhawmte hrilhin Sorkar hnathawkte chu in update reng tur leh hun awlah chanchinbu hrang hrang chhiar tam turin a chah a. Hlawhtling taka an Training chu hmang turin duhsakna a hlan a ni.

Pi Lalhlimpuii, SDC Mamit-in Training tura kalkhawmte chungah leh kan District-ah ngei Training pe tura lokal Administrative Training Institute- te chungah lawmthu a sawi a ni.

He Training hi Department of Personnel and Training, Government of India sponsor niin Pi Golda Dell Zohmangaihi, Asso.Professor, ATI- in kalkhawmte hi zirtirna a pe dawn a. Training hian April Ni 16 atanga Ni 28 thleng a awh ang.

Training tur hian Mamit-a Sorkar Department hrang hrang atangin aiawh 1 theuh an tel a ni.