Vawiin chawhma dar 10:30Am khan Mizoram state chhunga  MRVC(Measles-Rubella Vaccination Campaign)  beihpui thlakna hmasa ber atan  Siaha-ah MR vaccine pek tan a ni.

He MRVC launching programme hi Don Bosco School Auditorium-ah hman a ni a.District Bawrhsap leh District Health Society  Chairman ni bawk  Pi Harleen Kaur IAS chuan khuallian niin he hun hi a hmanpui.

Vawiin programme-ah hian Don Bosco Principal Father Suman Kumar Kiro chuan hunserh hmangin, Dr.Lalparliani CMO in welcome speech a sawi a.

 Dr.Hniechhô  MRVC Nodal officer in MRVC chungchanga hriattur pawimawhte sawina hun a hman zawhah MR vaccine hi Don Bosco School naupang te hnenah pek tan nghal a ni.

 MRVC Awareness hi sawrkar in a beih nasa a. Mahse MR vaccine hi Doctor fa te chuan an la ve dawn lo tih sawi thawm school naupang te zingah  a awm e, an tih a vangin, School naupang zawng zawng hmu lai ngeiin Dr.Hniechho leh Dr.Samuela fanu te chuan vaccine hi an la hmasa ber a ni.

MR vaccine hi Lifetime vaccine(Vawikhat laka damchhung daih tur) a ni avangin Thla 9 pumhlum tawh leh kum 15 la pumhlum lo naupang te chuan  MR vaccine hi vawikhat chauh an la dawn a ni

MR Vaccine hi School-ah pek hmasak a ni anga, Aganwadi Centre leh Community centre-ah  te pek chhunzawm zel a ni ang. He MRVC in a tum chu Kum 2020-ah chuan Measles(Sentut) hi  India ram atanga umbo va, Rubella(German Sentut) natna pawh  hnehtaka khuahkhirh a ni.

Tunah hian India ram hmundanga pawh MRVC beihpui hi thlak mek a ni a. Naupang nuai 600 chuang hnena vaccine hi pek tawh a ni a.Tun thleng hian Vaccine lak avanga  insawiselna leh harsatna tawk report dawn a ni lo.

 

Attachment

  • Loading attachment...