District Level Standing Committee on Special Summary Revision chu vawiin khan thu pawimawh hrang hrang ngaihtuahin an chairman Pi Lalbiaksangi, Deputy Commissioner leh District Election Officer ni bawk hovin an thukhawm.

Vawiin thutkhawmnaah hian Mamit khaw chhunga Polling Station te VC hming anga hming thlak te leh New Eden a Polling Station atana hmanlai Primary School chu V.C House a thlak BLO atanga rawtna awm leh W.Serzawl Polling Station hmanlai Primary School chu Middle School-a thlak tura rawtna te sawiho a pawm a ni a. Hei bakah hian Polling Station dang hmingthlak chungchang sawiho a ni bawk a, thuneitu sang zawkah thlen ni se ti a rel a ni.

Hei bakah hian BLO thar pakua ruat tur chungchang te, Booth Level Agent ruat chungchang te ngaihtuahin,thlakthleng ngai te thlakthleng a, ruat thar ngai te ruat thar ni se tih sawiho a ni a. Hearing neih laia Venhimna pek dan tur te bakah Political party leh NGO lam ten hriat duh an neih leh ngaihpawimawh te leh rawtna an neih ang te sawiho langsar zual niin, thildang pawimawh tak tak te sawiho a ni bawk.

Tun dinhmunah Mamit district ah hian vote nei mi 59991 awmin EPIC siamfel sak vek an ni tawh a ni.Draft Electoral Roll hi 15th September, 2015 hian tarchhuah a ni ang.