India Sorkar, Ministry of Home Affairs chuan India ram chhunga Silai leh Silai Licence nei te chhinchhiahna turin National Database of Arms Licences (NDAL) a siam thar a, hemi hmang hian Silai Licence neitu zawng zawngte chu Online Registration tihsak niin, Unique Identification Number (UIN) pek vek tur an ni dawn a, an UIN hi an Silai-ah pawn bel/chhut kai vek tur a ni bawk.
Mizoram-ah mahni hming ni lova Silai leh a Licence nei thahnem tak an la awm avangin dan anga chinfel thuai a ngai a; mahni hming dik taka Silai License siam fel a nih theih nan leh online-a chhinchhiah vek a nih theih nan dilna form dik tak hmangin tun August thla leh September thla chawhma chhung ngei hian Silai Licence pe chhuaktu Deputy Commissioner hnenah in report a, tihfel ngei tur a ni.
Online Registration hi 1st October, 2015 hmaa zawh vek tur a nih avangin hun tiam bawhpelhtute Silai Licence chu a thi ang a, Silai hman pawh phalsak theih an ni tawh lovang.
