1475/2022-2023

Mamit 5th, August, 2022 : Vawiin khan Taxation Office, Mamit-ah Assessment and Audit under GST for Taxpayers ( Including Workers Contractors) te tan training neih a ni.

Vawiin training hawnna hunah hian Pu T. Zohmingliana, Deputy Commissioner of State Tax, Mamit chuan GST chungchang chu zir zawh hleih theih loh khawpa chipchiar a ni chungin sumdawngte tana kan hriat tur pawimawh zualte erawh hre tura kan zir a tul thu a sawi. Mamit khawpui chhunga sumdawngte tan tlangnel taka an office dawr thin tura sawmin Sawrkar hmalakna avanga Mamit khawpuia an Department-in hmasawnna an nei chho zel chu lawmawm a tih thu a sawi bawk.

Vawiin training-ah hian GST danin a sawi anga Assessment and Audit kalpui anih tawh tur thu, hremna hrang hrang awm theite leh GST Account dealer-te mawhphurhna a nih dan bakah facilitation centre-a thawktute kuta dah vek ringawt loh tur chungchangte Dealer-te hnenah zirtirna pek a ni.

Training hi Pu Lalrammawia Sailo, Asst. Commissioner of State Tax, Pi Julie Lalremsiami, State Tax Officer (STO) leh Laldingngheti, State Tax Officer, Mamit te'n zirtirna hi an pe a ni.

He hunah hian Mamit khawpui chhunga sumdawngte an tel a ni.