Vawiin khan DC Conference Hall, Mamit-ah Dr Lalrozama, District Bawrhsap kaihruaina-in Support to Urban Street Vendors(SUSV) chungchangah meeting neih a ni.

Meeting-ah hian kawngpui dunga inzuar Hawker-te mumal zawka kaldan tur leh Hawker hmun atana Mamit GSA Playground chhimlam zauh belh chungchang ngaihtuah a ni a. Survey thar bera a landanin Mamit khawpui chhunga Street Vendors license nei 61- te Committee ah hian thlirho a ni a. He ta hming chuanglo, Street Vendor ni nghet tawh sa te tan DUDO Office ah bawhzui theih a ni ang.

Mamit khawpui chhunga Hawker hmun zuah nana GSA leh Department hotu lam te'n an lo tinzawn Mamit GSA Playground Chhimlam kawngpui sir chu bawhzuia, enfel nise tih a ni bawk.

Meeting kaihruaitu Dr Lalrozama chuan kawngpui dunga thil zuartute chu faina leh thianghlimna kawnga tan leh zual a, vengchhung hruaitute nen pawh helam kawngah hian inpawh zawka kal turin a chah bawk.

Pu C. Sawihlira, DUDO pawhin Mamit khawpui chhunga Street Vendors te mumal zawka kal a tul thute, Sawrkar laipuiin a ngaihpawimawh ber miharsate khaichhuaha, retheihna umbo a nih angin, dan tha tam tak duanchhuah a ni a. Amaherawhchu keimahni lamin tih ve tur tam tak kan neihte bawhzui turin pawl anga mumal taka kal chhoh dan ngaihtuah chhoh zel a nih dawn thu a sawi bawk.

Meeting-ah hian SP Office aiawh, Jt V/C aiawh leh Street Vendors aiawh te an tel a ni.