Kan hma lawk ni 20.02.2020 (Thursday) hi Mizoram State Day vawi 33 na a ni a. He ni hi sawrkar thuchhuak angin Serchhip ah pawh lawm tura ruahmanna siam a ni.

Pu Lalnunmawia Chuaungo, IAS, Chief Secretary to the Government of Mizoram in ni 13th February, 2020 a sawrkar thuchhuah (office memorandum) a siam angin, Mizoram State Day, 2020 chu Aizawl ah leh District capital ah te Deputy Commissioner te bul tuma hman tur a ni a. He thuchhuak ang hian Serchhip ah pawh State Day lawmna hi ni 20.02.2020 (Thursday) zing dar 10:30 am hian DC Conference Hall ah neih tur a ni. He programme hi Mizoram sawrkar chuan a ngai pawimawh em em a, chuvang chuan Serchhip a awm sawrkar hnathawk officer Group A, Group B leh Group B (non gazetted) chin te chu kal vek tura hriattir leh ngen an ni a, khawpui chhunga NGOs hrang hrang leh Village council te pawh sawm an ni.

Programme hetiang hian duan a ni.

A hun : 20.02.2020 (Thursday) zing dar 10:30 am
A hmun : DC Conference Hall
Chairman : Pi C. Lalduhzuali, SDO (Sadar)
Bible reading & Prayers : Major Lalhmingmawii, Suptt., Old Age Home
Welcome Remarks : Chairman
Speech : Dr. Lalzirmawia Chhangte, IAS, DC
Vote of thanks : Pu Samuel Zodinsanga, SDC