Vawiin chawhma dar 11:00am khan I&PR Conference Hall, Council vaih-ah Mizoram Journalists' Association, Siaha District ten 36th Annual Conference hun an hmang a, kum 2020 - 2022 chhunga an hruaitu tur thlanna hun an hmang bawk.

Session hnih-ah thenin, Session khatna-ah Election neih a ni a. Election hi Pu N.Vabeiratlua,DIPRO Siaha kaihhruaina hnuaiah neih a ni a.
Heng a hnuaia hming tarlan te hi Kum 2020-2022 chhunga hruaitu tur an thlan thar te chu an ni:-

1)President----Pu M.Baithai,Editor Chhim Aw Daily News Paper
2) Vice President----Pu V.Pawhla, Chief Editor,New Skylink Vision
3) Treasurer-----Pu Lalnunkima Pisa, Editor, Hnyaloom Skylink Vision

Secretary 5 thlan tlin te chu:-
1) Pu T.Lalrosiama, Editor, Tipa Express
2)Pu Jeffrey Khara, Editor, Moonlight.
3)Pu H.Sabi, DDK Stringer
4)Pu PT.Lalhnehzova, Editor, NSV
5)B.Vanlalhriata, Editor, Siaha post
te an ni.

He MJA, Siaha District Annual Conference hmanpuitu khualzahawm Pu N. Zakhai, C.E.M., MADC chuan fuihna thuchah sawiin, journalist te chuan thudik ni a inhriat te chu huaisen takin puangzar ngam zel ula, tunlai kan ram politics thlichhia hi inchhemtir loh hram turin leh Political party a awm loh hram turin a chah hlawm a ni. Journalist huaisen leh dik chuan awnlam neih lovin thudik leh thleibik neih lovin huaisen takin a thil hmuh leh hriatte chu a puangzar thin tur a ni, a ti a. Vawiina MJA, Siaha district hruaitu thlan tharte, kan sawrkar leh mipui khalngil tum turin leh sawrkar diklohna emaw tha zawka a hriatte pholangtu leh fuihtu nih zel turin a chah hlawm bawk a ni.

Pu PP. Zalena, President MTP Hqrs pawhin thuchah sawiin NGO leh MJA chu unau kan ni a, kan ram leh hnam tana tha turah chuan theitawp chhuaha intanpui tawn zel turin a sawm bawk.
Pu Lalnuntluanga, EE PHE pawhin thusawina hun a hmang bawk.

Pu V.Pawhla,out going President pawhin, presidential message sawichhuakin, Term 2 chhung MJA, Siaha a lo kaihruai tawhna a MJA member ten an tawiawmnaah te, an hnung an dawlhnaah te leh an finchhuah thinna zawng zawngah lawmthu sawiin MJA Siaha leh Journalism in a thangthatna turah chuan kan mimalin kan lo Chan phah deuh a nih pawhin, huaisen takin ke i pen zel ang u, a ti.

Pu CZ. Hluna, Treasurer, MJA, Siaha District chuan lawmthu sawiin vawiin hun hi a titawp a ni.