New Delhi a cham mek Dr. R.Lalthangliana, Hon`ble Minister, Health & FW, Higher & Technical Edn., Commerce & Industries Zirtawp zing khan World Bank Officials pawimawh tak tak te nen World Bank Office ah neiin, Minister in a January 7, 2020 a World Bank Headquarters, USA a an thuneitu sangte hnena a thlen bawhzuiin, Mizoram a health project lian tham kalpui dan turte a sawipui a. Heng bakah hian Mizoram a college hrang hrang leh polytechnic hrang hrang tihchangtlunna tur atan an thawhho dan tur leh hmalak dan tur an sawiho ani.
Minister hi Pu Santosh Mall, Commissioner leh a Technical Officials, Kendriya Vidyalaya Sanganathan te nen inhmu in Mizoram a KV Lunglei hmalakna kal mel chungchang an sawiho bawk a. A hlawhtlin theih nan theihtawp chhuah an tum thu an lo hrilh.
Dr R.lalthangliana hian Country Director, UNAIDS Pu Bilali Camara leh officials dangte an office ah hmu leh in, tun kum January thla a USA a UNAIDS international office hotute nen a Minister an lo inhmuhtawhna chungchangah hmalak chhunzawm zel dan tur sawihona an nei a. US sorkar berah an lo thlen tawh thu an lo hrilh. Mizoram a HIV AIDS dona leh tihtlemna kawnga thawhho dan tur kawng hrang hrang Minister ho hian an sawi.
Hemi hnu hian Ministry of Tribal Affairs ah Joint Secretary pahnih Pu Naval Jit Kapoor leh Pi M.R. Tshering te nen meeting nei leh in Zoram Medical College a mipa leh hmeichhe hostel sakna tur chungchang te, special central assistance to tribal sub-scheme hnuaia Mizoram in project kan hmuh theih dan tur an lo hriattir a. Ministry of Tribal Afairs hnuaia schemes hrang hrang awm te tangkai taka hman theih dan tur an lo kawhhmuh.
Hemi zawhah hian Pi Kamini Chauhan Ratan, Jt.Secretary (RUSA), Ministry of HRD hmu leh in RUSA-2 hnuaia hmalakna chi hrang hrangte a sawipui a. Jt.Secretary hian RUSA-2 hi kum 2021, March 31 thleng pawhsei anih thu Minister hi lo hrilh in, a order copy a lo pe nghal a. Tin, Dr. Thangtea hian tun kum 4/5 dawn India rama RUSA lo kalpui anih tawh chungchangah ministerial level review vawi khatmah la awm lo chu a ngaihmawh thu hrilhin, tun kum chhung ngeia State Minister zawng zawng ko khawm a review meeting hi buatsaih ni ngei se a duh thu a sawipui bawk ani.
Pu GS Hosur, Jt. Secretary (HE-Univ.), Ministry of HRD hmu leh in, tun hnaia Mizoram University, Southern Campus din phalna Ministry of HRD in min pek tak a Union Health Minister in abik taka amah leh Mizoram Sorkar ngenna ngaipawimawh a kan lo nei thei ta hi lawmawm a tih thu a hrilh a. Tin, Mizoram University (SC) hmun tur tuna zawn mek anih thu hrilhin hmuh anih veleh a campus dinna (building infrastructure) atana sum mamawh te Ministry in theihtawp chhuaha pek theih an inbeisei thu Minister hi a lo hrilh.
Pi Preeti Sudan, Secretary, Ministry of Health & Family Welfare hmu leh in Mizoram a RIPANS tihchangtlunna tur atana nikum February thla tawp a cheng vaibelchhe 480 zet mai sanction awm tawh vawiin ni thlenga hmalakna chawk tawklo chu a ngaimawh thu Minister hian a thlen a. Health Secretary hian RIPANS i/c Jt.Secretary leh Spl.Secretary te hi meeting ah hian kovin, a rang thei ang bera hma la turin a hrilh.
Dr. Thangtea hian Dr. Vinod K. Paul, Member, Niti Aayog hmu leh in Mizoram in a health sector lama hma kan sawn theih dan tur a sawipui a. Dr Paul a hian Mizoram a Primary Health Care tihchangtlun nana hmalak dan tur hrang hrang thurawn hlawkpui awm tak tak a lo pe ani.
Minister meeting kalna hrang hrang ah hian Pu Ajay Chaudhry, Resident Commissioner, Pu David Lalthantluanga, Addl.Resident Commissioner leh Dr.Lalnuntluangi, Medical Officer, Planning, Health & FW Deptt, Govt. of Mizoram ten an tawiawm ani.
Attachment
- Loading attachment...
