1963/2022-2023 
Mamit 17th September, 2022 : Tukin khan UD&PA Office kawtah Swachh Amrit Mahotsav Youth Rally chu Pu Lalfakzuala, Addl DC, Mamit chuan a vailiam.

Pu Lalfakzuala chuan faina kawngah Mamit District chuan dinhmun tha tak tak kan lo hauh tawha, kan fai reng theih nan faina kawnga hmalakna kan chhawmnun zel a tul a ni tiin Mamit leh a chhehvela kan luikawr tuite humhalh that chu thalaite hmalakna atana thil pawimawh tak a ni thu leh a huhova faina kawnga hmalakna chhunzawm zel turin kalkhawmte chu a chah bawk.

Hemi puala inkhawm tawi hi Pu C. Sawihlira, DUDO Mamit chuan kaihruaiin faina kawnga hmalakna chu tawp chin nei lova chhunzawm zel a ngaih thu a sawi a. Nl. Zothanpuii Chhangte, Team Captain kaihruaiina-in Faina kawnga thutiam chhiar rualna neih a ni bawk.

Swachh Amrit Mahotsav Youth Rally turte hi khuallian hian vailiamin, Mamit Vanguard Team-te hian UD&PA Office kawt atanga LAD Park Mamit bawlhhlawh chhar fai a ni.

He hunah hian Mamit Vanguard team-te leh mi sawmbikte an tel a ni.