1964/2022-2023 

Aizawl, the 17^thSeptember 2022 : Law & Judicial Minister Pu T.J. Lalnuntluanga’n Mizoram Chakma Students’ Union in a vawi 16 atana zirlai thar lawmluhna leh zirlai ti tha chawimawina hun ‘Freshers’ Social cum Felicitation’ Vanapa Hall ah an buatsaih chu khuallian niin a hmanpui.

Minister Pu T.J. Lalnuntluanga chuan zirlai pawl hruaitu anih laia tawnhriat thenkhatte sawiin zirlai pawl hruaitu nichungin pawhin mahni zir lai hi a ngaipawimawh thei a, chuvangin zirlai pawl hriatuten pawl tana in thawh baka in zir lai in engtik lai pawhin in dah pawimawh a tul hle in ka hria, a ti a. Chakma zirlai he hun hmang tura kalkhawm te chu an lehkha zir te ngai pawimawh tur leh an thiamna te Mizoram leh Mizoram mipui tan hmang tangkai turin a chah a. 

Pu T. J. Lalnuntluanga chuan tunlaia social media in kan khawvel leh khawtlang a nghawng nasat thu te, thil tangkai anih rualin a hmansualna pawh a tam tawh thu te sawin zirlai naupangte chu a tul lova social media buaipui lo turin leh henga an hun leh tha khawral lo turin a chah a. Rilru hrisel tak pu chunga thil ti tur leh mi te rilru tina zawnga dawt thu rawng kaia social media ah te ti ve lo turin a chah bawk a ni. Chakma, dan lova lo lutte chu Mizoram tana hnawksak mai nilovin an mahni Mizorama Chakma tan pawha hnawksak an nih thu leh an hamthatna dawn theih te pawh an mahni vanga an chan thin thu a sawi a. Heng dan lova lo lutte bei let tura tang tlang turin a sawm bawk a ni.

Dr. BD Chakma, MLA leh Pu Dhurya Dhan Chakma, EM CADC te paw’n khualzahawm te niin he hun hi an hmanpui a ni.