1965/2022-2023 
Siaha; the 17th September,2022: Vawiinah khan KVK Siaha training hall-ah 'National Campaign on Poshan Abhiyan , Sampling and seeds distribution and tree plantation' hun hman a ni a. He hun hi Dr.H.Vanlalhmuliana, Senior Scientist and Head,KVK Siaha in kaihruaiin, Pu Beihruakhai, Executive Member,(Agriculture),Mara Autonomous District Council, Siaha chu khuallian a ni.

Khuallian chuan fuihna thuchah sawiin nu naupai leh hnute pe lai te Anganwadi centre pan hram hram turin leh an ei leh in te thlang fimkhur tur leh a hrisel leh a tha te ei tum hram hram turin a fuih hlawm. Thlai thar hrisel ei tam tur leh chu mi atan chuan chuktuah huan neih kawng a taima turin kalkhawmte a chah bawk.

He hunah hian loneitute leh anganwadi workers te sawm an ni a. Pu Lalthanliana Hranglung , Assistant,KVK Siaha in tawngtai in hun a hlan a.Union Agriculture Minister Sh.N.S.Tomar a thusawi te TV kal tlangin alive a en a ni bawk .

Pi C. Rachael,SMS(Plant Protection),KVK Siaha chuan felicitation hun hmangin ,Pu Heibikliana Thangtu, District Coordinator, Poshan Abhiyan,Siaha chuan thusawina hun tawi hmangin, Poshan Abhiyan chungchang a sawi a. A awmzia, a thil tum ber leh a ken tel te leh an tihtur te chiapchiar takin a sawi a ni.

Pi S.Sisi , SMS(Horticulture) in 'Nutri cereals and their role on human health' tih thupui hmangin Power point presentation a pe a, Pi B.Hmingthanzami, SMS( Home Science) in 'Nutri garden and biofortified varieties' tih thupui hmangin zirtirna a pe bawk .

Pi J.Vanlalhluzuali, SMS( Agril. Extension) in 'Tui renchem dan' zirtirna a pe bawk a.

Vawiin hun hmanah hian chuktuah huan a chin tur thlai chi leh a tiak kalkhawmte hnenah sem a ni bawk .
Dr.Lalzaidami,SMS(Animal Science) in lawmthu sawinain vawiin programme hi a khar ta a ni.