4819/2024-2025

Dated: Mamit the 26th of March, 2025 : Vawiin khan DUDO Office, Mamit Hmarveng-ah Pi Lalhmangaihzuali, District Urban Development Officer chuan Swap & Save Campaign nithum chhung 26th - 28th March, 2025 kalpui tur chu a hawng.

Pi Lalhmangaihzuali chuan Swap & Save chu hmunpui zawk Aizawl lamah kalpui a nih tawhah a hlawhtling hle a, Swacch Bhrat Mission leh DAY-NULM hmalakna  tangkawpa buatsaih a nih thu sawiin, kan thil neih kan hman tangkai tawh loh a mamawhtute'n tangkai zawka an lo hman theihna tura buatsaih niin, zirlai naupang form, zirlaibu leh an mamawh dangte kan chhawr tawh loh tur midangte tana pek emaw kan mamawh nena inthleng kual a nih theihna tura buatsaih a ni a ti a. Mamit khawpui chhungah tangkai taka hman a nih theih nana lo pan theuh turin mipuite a sawm a ni.

Swap & Save Bungraw inthleng runpui hi Mamit khawpui chhung hmun thum, DUDO Office, Mamit Hmarveng, Market Bazar, Bazar veng leh Waiting Shed, Field vengah te DUDO Office-a thawkte leh Self Help Group member te'n an kalpui dawn a ni.