Nizan khan Siamliana Hall, Mamit-ah mipuite'n sawrkar atanga chanvo kan neih inhrilhhriatna hun The Mizoram Right To Public Services Act 2015 hman a ni a, Pu HD Lalpekmawia, SDO(Sadar) chuan sawihawnna hun a hmang.

Pu Peka chuan sawrkar atanga kan chanvo hrang hrangte inhrilhhriatna hun hmang tura kalkhawm mipuite hnenah lawmthu a sawi a, Sawrkarin mipuite hamthatna tur dan tha tak tak duang mahse a hmangtu mipuite'n a hlutna leh kan chanvo a nihna anga kan hman loh chuan awmze awmlo, dan mai mai a nih thu a sawi a, chung ang hriatchianna chang leh zirchianna chang hria-a belhchian chu kan kan tihtur a ni a ti. Sawrkar hnathawkte pawhin mipuite tana thawk kan nih tih kan in hriat thar leh a pawimawh thu a sawi bawk.

He hunah hian Pu Lalrinsanga Hnamte, SDC Mamit chuan The Mizoram Right To Public Services Act 2015 sawizauna hun a nei a, kan thenawm State ten tangkai taka hman mek niin,  Mizoram Sawrkar pawhin ni 1 December, 2015 atang khan hman tan a ni a ti. He Act in a tum ber chu Sawrkarin mipuite hnena Service  a pekchhuahte,  a hun tak leh hunbi tiam chhunga, a diltu hnena pekchhuah  an nih thu sawiin, Mizoram Sawrkar hnuaiah he service hnuaia sengluh tawh hi tun dinhmunah 46 a nih tawh thu a tarlang a. Mipuite tana langtlang leh chhuizui tlak inrelbawlna siam chu he danin  a tum bulpui ber a nih thu a sawi.

Mipuite'n dilna kan thehluh dan tur leh a hun taka chhanna kan dawn loh avanga kan vuivaina kan thlen dan tur leh he dan hnuaia hriattur hrang hrang a lem nen chipchiar takin zirtirna a nei a ni

He hunah hian Mamit khawpui chhunga, Sawrkar Department aiawh pakhat theuh, tlawmngai pawl aiawhte leh thalai sawmbikte an tel a ni.