96/2023-2024

Mamit 13th April, 2023 : Vawiin khan DC Conference Hall, Mamit-ah District Disaster Management Authority, Mamit huaihawtin Mamit khawpui chhunga Village Council Members te leh YMA hruaitute tan Training of First Responders neih a ni a, Pu V.L. Remliana, District Bawrhsap chuan a telpui.

He hunah hian Pu Lalrinchhana District Organiser, Mamit chuan First Responder awmzia leh pawimawhna zirtirna a pe a. H&FW atangin Resource Person Dr. Roy Lalliantluanga'n Basic First aid chungchang zirtirna pe-in, SDRF team 4th Bn IR Luangpawl leh F&ES Department te'n zirtirna an pe bawk a ni.