314/2026-2027

Dated : Mamit the 28th of April, 2026 : Vawiin khan DC Conference Hall, Mamit-ah TSG, Green-Ag project 9th Technical Support Group (TSG) meeting chu Pu Suvigya S Chandra, District Bawrhsap kaihhruainaa neih a ni , kum 2026 -2027 chhunga Green Landscape Management Plan thlirho niin line department te nena thawhho theih dan sawi a ni bawk.

District Bawrhsap chuan Sawrkar Department hrang hrangte inlungrual taka thawhhona a pawimawhzia sawiin, Green-Ag project huam chhung khuaah te chuan thawhhona awmze nei taka awm ngei a beisei a, ram hmasawn nan theihtawp chhuah turin a chah a ni.

Kum 2026-27 chhunga Mamit District a Green-Ag hmalakna tur hrang hrang te sawi ho a ni a. He project hmalakna-Green Landscape Management Plan (GLMP) kalpui dan tur sawi ho a ni a, line department te nen thawhhona dan leh mipuite mamawh leh hamthatna dah hmasaa hmalak ho dan rel a ni.

Green-Ag project hi Food and Agriculture Organisation (FAO) Global Environment Facility (GEF) funding niin, kum 2019 khan Mizoram-ah bul tan a ni a, Mamit leh Lunglei district ah kalpui niin Dampa Tiger Reserve leh Thorangtlang wildlife sanctuary bul hnai a khaw 38 te a huam a ni.