313/2026-2027

Dated: Mamit the 28th of April,2026:  Vawiin khan DC Conference Hall, Mamit-ah District Level Committee on Narco Coordination Centre chu Pu Suvigya S Chandra, Chairman leh District Bawrhsap kaihhruanain an thukhawm.

District Bawrhsap chuan ruihhlo do kawnga uar taka hmalak a tul thu sawiin hemi kawngah hian khawtlang hruaitute te hian mawhphurna lian tak an nei a, line department te nen thawhhona tha nei zel turin a fuih a. Zirna school leh college ah te uar zawka awareness campaign neih a ngai a, ruihhlo hi hmasawnna daltu a ni a, hemi kawngah hian puitlingin naupang te kawng dika hruai hi kan mawhphurna a ni a ti bawk.

Thutkhawmah hian Pu Manny Bhushan Singh, SP Mamit chuan Dapchhuah check post verification neih chungchang leh ruihhlo do kawnga hmalakna te a tarlang a.

Committee chuan check post hmun hniha siam- Mamit junction leh West Phaileng-a siama Dapchhuah check post chu tih tawp a rel a, he check post thar te hi ruihhlo dona kawngah hman tangkai a nih zawk beisei a ni. Vawiin thutkhawmah hian zirlaite tan drugs awareness campaign huaihawt a tul thu sawi a ni bawk.