1412/2022-2023

Mamit 29th July, 2022 : Vawiin khan Dc Conference Hall, Mamit-ah Ujjwal Bharat, Ujjwal Bhavishya, Power @2047 (Kawlphetha Kutpui) lawmna hman niin Er. H. Lalzirliana, Hon'ble MLA, 3-Mamit (ST) A/C chuan khuallian niin he hun hi a hmanpui.

Khuallian Mamit Bialtu MLA chuan Kawlphetha Kutpui kan hmang thei chu  lawmawm a tih thu sawiin India ram ropuizia tihlan nan Prime Minister Pu Narendra Modi chuan sector hrang hrangah mipui a te ber atanga a lian ber thlenga hamthatna kan neih theih nan hmalakna a kalpui mek a. Ramin hma a sawn dawn chuan Kawlphetha sang tak kan mamawh a ni a ti.

Mamit District-in eng tha kan neih theih nana Department lama thawktute an fakawm hle a, an inpekna-ah lawmthu a sawi bawk. Ngaw kara kan transmission line te a kal thin avangin harsatna tam tak thawktute'n an tawh phah thin chu pawi a tih thu a sawi bawk.

Pu Lalnunhlua, District Bawrhsap, Mamit chuan Power Grid Corporation of India Ltd. leh P&E Dept. hmalakna vanga 'Kawlphetha Kutpui' Ujjwal Bharat, Ujjwal Bhavishya hmang thei kan ni chu lawmawm a tih thu sawiin an hnathawhte zarah Mamit- in eng kan neih bakah Covid dona kawngah pawh theihtawpa hma min lakpui avangin tun dinhmun thleng thei kan nihzia te leh Power kan siam chhuak theilo a nih pawha renchem zawnga tan la turin kalkhawmte a fuih bawk a ni.

VCP, Bawngva pawhin Central leh Sawrkar hmalakna a zarah Bawngva khua-a chhungkaw 80 velin athlawna Electric Connection an neih theih phah chu Sawrkar chungah lawmthu a sawi bawk.

Vawiin Kut lawmna-ah hian Er. Rupam Dutta, Manager, PGCIL kaihhruaiin Short Film, Universal Household Electrification, Village Electrification leh Distribution System Strengthening (PFC), Capacity Addition, One Nation One Grid (PGCL), Renewable Energy bakah Consumer Rights (PCF) tih thupui hmanga chante thlirho a ni a. Short Play (Nukkad Natak) Mamit Power Division, P&E Department te'n an entir bakah MCO, Mamit Headquarters te'n hnam lam an entir bawk a ni.

He hunah hian Er. Thanglura Sailo, EE, Mamit Power Division chuan kalkhawmte lawmna thu sawiin Pu Lalfakzuala, Addl. DC, Mamit chuan lawmthu sawina a nei bawk.