1411/2022-2023

Mamit 29th July, 2022 : Vawiin khan Kawlphetha Kutpui (Celebration of Ujjwal Bharat, Ujjwal Bhavishya Power @2047 chu Zawlnuam-ah hman a ni a, He hunah hian Pu Lalrindika Ralte chu khuallian a ni.

Khuallian Pu Lalrindika Ralte chuan India ram pum, State, District hmasawnna te mimalin kan chhawr tangkai a tul thu sawiin, thalaite mahni zawn theuha hmasawn tum tura kan insanmar a ngaih thu a sawi.

SDO, Power & Electricity Deptt. chuan power sector lama India ram hmasawnna leh khawthlang lama sawrkar hmalakna kal mekte a sawi bawk.

Aizawl lam atanga he hun rawn hmangtu Pu Joseph Lalbiaktluanga, Technician chuan film presentation a nei a, power sector kaihhnawih short film pasarih (7) thlirho a ni. YMA, Thuampui veng Branch te'n short play (Nukkad Natak) an entir a, Free connection dawngtu mi 3 te atangin testimonial ngaihthlak a ni bawk.

He hun hi Pu Ngulzathuama, MCS, SDO (C), Kawrthah/BDO Zawlnuam chuan kaihruaiin, Zawlnuam khaw chhunga sawrkar hnathawk, khawtlang hruaitute, NGO hruaitute leh Power & Electricity Department-in free connection a tihsakte an tel ani.