Mamit District chhunga V/C inthlan chu tluang takin nimin April 30 khan neih zawh a ni a, inthlan zawhah hian vote tla te hi chhiar nghal a ni.

Tarlan tawh angin Mamit District-ah hian V/C 87 awmin seat 357 a awm a, heng seat tur hian candidates 927 (General 700, Reserved 227) an awm a ni.

Hriat theih chinah V/C 47 ah INC in sorkar-na an siam a, V/C 26 ah MNF in an siam thung, V/C 6 ah Independent tlingin V/C pakhatah BJP Sawrkarna an siam. Party mala chak awm lohna khua W. Lungdar, Phuldungsei, Marpara N leh Borai khuate an awm bawk.

Tarlan tawh angin Nalzawl khua ah hian INC candidates te chuhtu awm lova tlinga puan an ni. Silsury East, Silsury West leh Kolalian atang hian inthlan result inbiak pawhna a that loh vangin hriattheih a la ni rih lo

Hriat theih chinah nimin inthlana vote thlaktu upa ber chu hmeichhiaah Pi Dari kum 103 leh mipa ah Pu H.Lalzapa kum 99 Kawrthah S VC huam chhunga mi ve ve an ni.