703/2022-2023
Mamit 31st May, 2022 : India ram pumah ramin zalenna a hmuh hriatrengna leh lawmna Azadi Ka Amrit Mahotsav (AKAM) neih mek a ni a. Mamit-ah pawh DC Conference Hall, Mamit-ah Deputy Commissioner, Mamit District hovin Sorkar Office Head zawng zawng, Prominent Citizen, Scheme beneficiary, NGOs, VC, Political Party aiawh leh thutharthehdarhtute nen Video Conferencing hmangin Programme hi zawm a ni.

He hun hi India ram Prime Minister Narendra Modi chuan Shimla atanga kaihruaiin hemi denchhen hian India Prime Minister-in Scheme/Programme thlan bik 16 a beneficiary hrang hrangte nen inkawmhona an nei a. He Programme hi India rama tum khata inkawmhona huaihawt tawha lian ber niin State leh District zawng zawngte nen heng scheme PMAY (Grameen & Urban), PMKSN, PMUY, Poshan Abhiyan Scheme, PMMVY, SBM (Grameen & Urban), JJM & AMRUT, PM SVANidhi, One Nation One Ration Card, PM GKAY, Ayushman Bharat PM Jan Arogya Yojana, Ayushman Bharat Health and Wellness Centre leh PM MUDRA Yojana hnuaia hmalakna leh dinhmun chungchangah inkawmhona neih a ni.

He hunah hian Scheme hrang hrang tarlan changtu Department, DRDA/RD, UD&PA, FCS&CA, Agriculture, H&FW, PHED, Social Welfare, Financial Services (SBI) te'n an hmalakna hrang hrangah report pein Beneficiaries te'n thu an sawi ve bawk.

He Programme hian a tum ber chu Sorkar hmalakna Scheme hrang hrangte hian khua leh tuite tan engtiang chiahin nge an eizawnna leh hmasawnna a thlensak a, hmalak chhunzawm lehzelna turah ruahmanna tha lehzual engtiangin nge dapchhuah a nih theih ang tih a ni a. Video Conferencing hi Doordarshan channel-ah live-a pekchhuah niin Social Media hrang hrang YouTube, Facebook, Twitter, Instagram, etc -ah en theih a ni bawk a ni.