704/2022-2023
Aizawl,the 31st May 2022: Vawiin chawhma khan Governor Hari Babu Kambhampati chuan Raj Bhavan-ah Rural Development Department hotute a kawm a.  Mizorama Pradhan Mantri Awaas Yojana – Gramin (PMAY-G), ‘Housing for All’ scheme tia hriat bawk kalpui dan  leh an harsatna te a zawt a ni.

Pradhan Mantri Awaas Yojana – Gramin (PMAY-G) hnuaia "in sak tanpuina" Mizoramin a kalpui dan te PowerPoint Presentation hmangin Pu R.Zarzosanga, Secretary,RD leh Pu Zoremthara Ralte, DS RD ten an sawifiah a ni.

Governor Hari Babu Kambhampati chuan Mizoramin In sak tanpuina kaltlanga chenna in tha tak mi tam tak tan a sa leh hemi atan inhmunah te harsatna a awm lo chu thil lawmawm tak a ni a ti a. PMAY-G hmanga in sak sak a nih zawh rualin chenna ina awm tur thil pawimawh dangte pawh convergence kaltlangin scheme hrang hrang hmangin a awm thei tura beisei a ni a. RD chu Nodal department a nih angin hmalatu a ni tur a ni a; RD in convergence kaltlanga a thawhpui tur department te pawhin tha takin RD an thawhpui a ngai a ni a ti.

SECC 2011 hnuaia in sak lai mek te tha taka an thawh zawh thuai a, AWAAS Plus hnuaia in sak hna thawh tur pawh an tan thuai thuai a, Fund tam zawk Mizoram hmasawnna atana nawrchhuah tum turin RD official te a chah bawk a ni.

Presentation a tarlan dan chuan PMAY-G scheme kum 2022 a tawp tur chu kum 2 dang atan pawhseih a ni a. Permanent Wait list hnuaiah insak tanpuina dawng turin chhungkaw 13533 ziahluh a ni a. 13532 tan in sak tanpuina santion a ni tawh a, heng zinga in 5511 chu sak zawh tawh niin abak in 8021 hi la sak mek a ni. RD chuan survey nei tha leh vekin in sak tanpuina mamawh tam tak an awm tih a hmuh belh a, heng in sak tanpuina dawn mamawhte hi AWAAS Plus software hmangin a thehlut leh tawh a. AWAAS Plus a thun luh list 25539 zinga 6980 hi Centralin allocation/target a siam tawh a. PMAY-G Awaasoft Permanent wait list hnuaia in sak hna zawh a nih veleh thawh tan a ni dawn a, Awaas+ hnuaiah sawrkar kum 2021 -22 chhungin in 6980 sak leh hman tum a ni.i.