688/2022-2023
Mamit 30th May, 2022 : Vawiin khan NIC Room, Deputy Commissioner Office, Mamit-ah Phuldungsei-a naupang pakhat, COVID-19 avanga amah enkawltu a pa chanta, PM-Cares beneficiary hnenah Video Conferencing hmangin Prime Minister-in tanpuina a hlan.

PM-Cares for Children scheme hian a tum ber chu Ni 11th March, 2020 - 28th February, 2022 chhunga Covid-19 avanga naupang (Kum 18 la tling lo) nu leh pate Covid-19 avanga boral ve ve te, nu emaw pa emaw Covid-19 vang kher lova boral tawh, a damlai zawka te Covid-19 avanga an boralin emaw anmahni enkawltu (legal Guardian) emaw, fa atana la-tu (adoptive Parents) te Covid-19 avanga an boralin an boralsan tak naupangte dawmkanna tura Scheme duan a ni. He Scheme hian huam zau taka naupangte enkawl leh venhimte, an hamthatna atana Health Insurance siam leh zirna kawnga tihchak te, naupangin Kum 23 a tlin hunah mahni intodelh thei tura thuam chakte hi a tum ber a ni a, naupang Kum 18 a lo tlin huna cheng Nuai 10 thleng an dawn theihna tura ruahman a ni.

PM-Cares Scheme-ah hian India rampumah dilna 9042 lutin heng zinga 4345 te hi pawm a ni a. Mamit District-in vawiina tanpuina hlan tak chauh hi Beneficiary kan nei ve a. Beneficiary hi Kum 2005 khan a nuin a lo boralsan tawh a. A pa hian Ni 21st June, 2021 Kum 17 mi a nih laiin Covid-19 avangin a boralsan veleh a ni. PM-Cares tanpuina Post Office Passbook leh PM-Cares Certificate hi Prime Minister aiawh hian Pu Lalnunhlua, Mamit District Bawrhsap-in a hlan nghal a ni.

Vawiin Programme hi Smriti Zubin Irani, Hon'ble Union Minister of Women and Child Development chuan kaihruaiin Prime Minister hian naupangte fuihna leh thlamuanna thu a sawi bawk a ni.

Mamit-a PM-Cares for Children Scheme Programme hmanna hunah hian Addl. DC, Mamit, DCPO, DCPU, Mamit, Chairperson, Child Welfare Committee, Mamit, Principal Magistrate, Juvenile Justice Board, Mamit, Home Superintendent, Child Care Institutes, Mamit bakah Officials dangte an tel a ni.