641/2025-2026

Dated: Mamit the 29th of May, 2025: Vawiin khan Community Hall,Lengpui, Mamit District-ah Sawrkarlaipui in a kut hnawkthawktute hamthatna atana a hmalakna pawimawh tak “Vikshit Krishi Sankalp Abhiyan”(VKSA) hawnna hun neih a ni a, Pu K Laltlawmlova, District Bawrhsap-in hun a hmanpui. 

Pu K Laltlawmlova chuan vawiin hun ngaipawimawh a lo kalte hnenah lawmthu sawiin he campaign ni 15 chhung awh tur a ruahman chu kut hnawthawktute tan rahbi pawimawh a nih thu a sawi a, India ram pumpuiah district 723-ah hman a ni a ti. District Bawrhsap chuan Vikshit Bharat-Vision 2047 India ram khawvel ram changkang (developed country) a chawisan a tumna kawnga hmalakna pawimawh a ni a, kut hnawkthawktute pawhin hmang tangkai a mi thiamte hnenah an harsatna thlen turin a chah a, district leh ram tan hmasawnna bungthar a nih ngei nan mi thiamte leh mipuite chu tang ho turin a ngen.

Hawnna hun hi Dr Vanlalhruaia Hnamte, Senior Scientist & Head, Krishi Vigyan Kendra(KVK), Lengpui chuan a kaihruai a,line department hotuten kut hnathawktute hamthatna atan a schemes Sawrkarlaipuiin a duan te sawi zauna hun hmangin, Pi Carolyn LB Khiangte, Addl DC Mamit chuan lawmthu sawina hun a hmang bawk a ni.