640/2025-2026

Saitual, 29th May, 2025: Vawiin khan DC Conference Room, Saitualah District Level Steering Committee (DLSC) for Lakhpati Didi chu an chairman, District Bawrhsap ni bawk Dr. Lalngura Tlau kaihhruainain an thu khawm.  

He hunah hian District Bawrhsap Dr. Lalngura Tlau chuan thu sawiin, Lakhpati Didi chu hmeichhe chawikan nana Sawrkar hmalakna pawimawh tak a ni, a ti a, hmeichhiate chu kum 1-a cheng nuaih 1 an lak luh ve theih nana kawng kawhhmuhna a ni, a ti.  

Bawrhsap chuan Saitual District tan kum 3 chhung hian Lakhpati Didi target chu mi 1600 niin, Ngopa leh Phullen-ah 800 ve ve tuk a ni tih a sawi a, tun dinhnunah hian Ngopaah hian Lakhpati didi ni thei tura theihna (potential) nei mi 562 thlan chhuah tawh niin, Phullenah mi 741 thlan an ni tawh bawk tih a tarlang. Dr. Lalngura Tlau chuan line department te chu target phak lohna Ngopa- 177 leh Phullen-50 -ah te chuan tan lak dan tur ngaihtuah a, he hmalakna hi a hlawhtlin ngei theih nan theih tawp chhuah turin a ngen a ni.   

Lakhpati Didi hi India sawrkar hmalakna niin, August ni 15, 2023 khan kalpui tan a ni a, a tum ber chu hmeichhiate chawikan niin, kum 1 a cheng nuaih 1 (₹ 1,00,000) la lut thei tura tanpui a ni. Lakhpati Didi tih chu kum khata nuaih 1 la lut tling hmeichhia sawina a ni. He hmalakna hi DAY-NRLM hnuaia kalpui niin, self-help group (SHG)-a hmeichhia te chu eizawnna an neih theih nan kawng hrang hrang- thlai chin, ran vulh, puan thui leh kut themthiamna lam kawhhmuh te a ni.   

Vawiin thutkhawm hi Dr. Lalngura Tlau, DLSC chairman & DC in a kai hruai a, Pu V. Laldinsanga, DLSC member secy & Project Director, DRDO bakah DLSC member te an tel a ni.