No.7864/2020-2021

Mamit 22nd March, 2021 : Vawiin khan DC Conference Hall, Mamit-ah Mamit khawpui chhung leh a chhehvel khaw hrang hrang Village Council members-te tan rikrum thil thlen palh thulha chet dan tur leh inven dan tur inzirtirna neih a ni.

Dr. Lalrozama, IAS, District Bawrhsap/ Chairman DDMA chuan Workshop-a tel tura kalkhawmte chungah lawmthu sawiin Village Council hruaitute chu khawtlang hruaitu an nih angin khawtlangin khuarel chhiatna eng emaw a lo tawh palh thulhah pawh hmalatu leh che chhuak nasa ber an ni thu sawiin tuna workshop an neih pawh chu a taka hmang tangkai thiamtu nih tum turin a chah a ni.

Vawiin Workshop hi Session 2 a then niin Pu R. Lalrempuia, Consultant, DM&R chuan Village Level District Management Committee chungchang leh Khuarel chhiatna chi hrang hrang thleng thei laka inven dan leh hmalak dan tur chungchangah zirtirna a pe a. Fire Department lam atangin Emergency Response Technique chungchangah kalkhawmte zirtirna pek an ni bawk.

He hun hi Henry Malsawmtluanga, SDC i/c DM&R chuan kaihruaiin Pu Lalrinchhana, DO, Mamit District chuan lawmthu sawina a nei a ni.

Attachment

  • Loading attachment...