3614/2024-2025

Dated: Mamit the 2nd of December, 2024: Vawiin khan District AIDS Prevention & Control Committe bultumin World AIDS Day - 2024 chu ANM Conference Hall, Mamitah hman a ni a, Pi Carolyn L.B Khiangte, Addl DC chuan a hmanpui.

Pi Carolyn L.B Khiangte chuan Mizoramah AIDS pai kan tam thute, India ram State zinga a mihring cheng atang a chhuta, a kai tam ber kan nih thu sawiin tizia turin theih ang anga hmalak a ni thin chungin kan dinhmun erawh ala tha em em lo a ni a ti a. Kan ram leh hnam than mawh bawk ruihhlo leh sex in a kaihnawih AIDS hi kan theihna zawn theuhah kan do a tul a, a bikin helama thawktute chuan thuk leh zuala inpekna thar nen an nunkhua hrethiam chunga inpe turin a chah a, nunkawng dik zawh tute tan heng harsatna leh natna te hi pumpelh theih a nih avangin fimhlim tura theihtawp kan chhuah a tul thu a sawi bawk. 

Dr. Lalrinfela H, Medical Superintendent, Mamit chuan AIDS natna laka invenna turte tarlangin Mizoram dinhmunte a tarlang a, HIV AIDS vei tam dan tehna ah India ram pumpuiah 0.22% a nih laiin Mizoram erawh 2.7% a ni a. Northeast State pathum a tarlan danin Mizoram 2.27% Nagaland 1.3% leh Manipur 1.05% te a ni. 

He hunah hian Pi Vanlalfaktluangi, Assistant Public Prosecutor, District Court, Mamit chuan The HIV and AIDS (Prevention and control) Act, 2017 tih hmangin kalkhawmte zirtirna a nei a, he hunah hian Mamit District Hospital-a thawktute leh mi sawmbikte an tel a ni.