4653/2024-2025

Dated:Mamit 15th of March, 2025 : Vawiin khan I&PR Conference Hall, Mamit-ah World Consumer Right Day - 2025 chu hman a ni a, Pu K. Laltlawmlova, District Bawrhsap chuan khuallian niin a hmanpui.

Pu K.Laltlawmlova, chuan kumin kan thupui “A just transition to Sustainable Lifestyles” in a tum chu kan chhehvel leilung leh ram ngaw nghawng nei tlem thei ang ber khawsak, ei leh inah mahni mamawh tawka nun thiamte, mahni mamawh chin baka inhrek thiam leh inrenchem thiamte a ni a, midangte nena nun ho thiam leh khawtlang tana hnawksaklo taka nun thiamte a nih thu a sawi a. Consumer chuan mi tupawh lei leh hralhtute a huam vek avangin kan tel vek a, lei leh hralh dik taka kalpui a nih theih nan kan pawimawh vek a ni a ti bawk.

He hun hi Pu Lalneihkima, DCSO, Mamit chuan a kaihruai a, Pu F.L Rinngheta, President MCU, Mamit District chuan thusawina neiin kalkhawmte atangin Consumer chungchanga hriat belh duh neite tan zawhna leh chhanna hun hman niin, Pu Laldawngzela, AO, FCS&CA Mamit chuan lawmthusawina a nei bawk.

Kumin World Consumer Rights Day-2025 thupuiah hian “A just Transition to Sustainable Lifestyles” tih chu hman a ni.