3841/2022-2023

Mamit 15th March, 2023 : Vawiin khan DC Conference Hall, Mamit-ah Mizoram Consumer Union, Mamit District buatsaihin World Consumer Rights Day, 2023 hman a ni a. Pu Lalnunhlua, Mamit District Bawrhsap chuan khuallian niin he hun hi a hmanpui.

Khuallian Mamit Bawrhsap chuan Consumer Rights Day hmang tura kalkhawmte chungah lawmthu sawiin Consumer chuan mitin min huap a, kan dikna chanvo te uluk lehzuala belchiang a, a hre ve lo midangte hrilh chhawng zel turin a chah a. Kan sik leh sa lo danglam zelah Consumer kan nih angin mawhphurhna hrang hrang kan neih te kan hriat tel a pawimawh thu sawiin kan chenna leilung tichhe thei thil te chu hmang fimkhur turin kalkhawmte a chah bawk.

He huna Resource Person Pi Jenny Sailo, DFO Mamit chuan kalkhawmte zirtirna pein Pu K. Lalthangmawia, Secretary, MCU, Mamit District chuan report a pe a. Consumer Club, Govt. Mamit College te chuan Consumer te tana zirtir nei tha, Short Play Drama an entir bawk.

Kumin World Consumer Rights Day thupui hi Empowering Consumers through Clean Energy Transition tih niin kalkhawmte'n sawihona hun tha tak an hmang bawk.

He hun hi Pu F.L.Rinngheta, President, MCU, Mamit District chuan kaihruaiin Pu H. Lalramliana, Vice President, MCU, Mamit District chuan lawmthu sawina a nei a. He hunah hian Mamit khawpui chhunga Sorkar Department hrang hrang aiawh, khawtlang hruaitu leh tlawmngai pawl aiawhte bakah sawmbikte an tel a ni.