1425/2022-2023 

Mamit 1st August, 2022 : Vawiin khan DC Conference Hall, Mamit-ah National Commission for Protection of Child Rights (NCPCR), State Commission for Protection of Child Rights (SCPCR) leh District Administration, Mamit buatsaihin World Day Against Human Trafficking buatsaih a ni a. Hemi pual hian naupang sumdawnna atana hman thin beihletna (Combating Child Trafficking) campaign neih nghal a ni.

Pu Lalnunhlua, Mamit Bawrhsap chuan kalkhawmte lawmna thu sawiin Pu Zoramthara, Addl.SP, Mamit pawhin thu a sawi bawk.

He hunah hian Anshu Sharma, NCPCR hnen atangin thusawi ngaihthlak anih bakah Resource Person Ananya Kar Sanghi, External Resource Person hnen atangin naupang dikna chanvo hrang hrang bakah naupang rukbo an nih loh nana hmalak dan tur leh inven dan tur zirhona neih a ni a. Naupang rukbo an ni tih hriat veleh FIR thehluh vat a, darkar khat chhunga a zawn hna thawh chu thil pawimawh ber a nih thu a sawi. Sawihona hun tha tak hman zui nghal a ni bawk.

Mamit-a World Day Against Human Trafficking hmanna-ah hian Principal Magistrate & Member, JJB, Mamit, DCPO, DCPU, Mamit, Special Juvenile Police Unit, Mamit, Chairperson & Member, CWC, Mamit District, Child Welfare Police Officers, Mamit, khawtlang hruaitu leh tlawmngaipawl aiawh, Mamit khawpui chhung Home hrang hranga Superintendent te bakah thutharthehdarhtute an tel a ni.