Tukin khan Charkawn Traffic Point, Mamitah District Level Task Force Tobacco Control leh Anti-Tobacco Squad buatsaihin World No Tobacco Day Cum Kick-off Programme of Project HIMNA-MADAT (An early Intervention Against Tobacco Usage and Drugs Abuse) neih a ni a. Pu Jacob Lalawmpuia, MCS, Addl. DC Mamit chuan khuallian niin HIMNA-MADAT Project Kick-Off-na a nei nghal a ni.

Khuallian chuan kan taksate duat a, kan taksa tana tha lo leh tullo heng Vaihlo, Meizial, Sahdah, Tuibur-te leh Drugs hmansualna laka fihlim a, kan taksa theuh duat taka enkawl tur leh thil tha lo a nih hrereng chunga tilui lo turin kalkhawmte a fuih a. Tobacco Free Youth, Vaihlo laka fihlim thangtharte kan nih vat theih thu sawiin Mamit District-ah Project HIMNA-MADAT kalpui ve a nih tawh tur thu leh nasa takin naupangteah Vaihlo thatlohzia inzirtirna neih a nih tur thu a sawi bawk.

Kumin World No Tobacco Day thupui hi "Vaihlo leh Lung natna" tih niin Pu Lalbiakmawia Siakeng, Security Kawrthah CHC chu Vaihlo dan khuahkhirhna kawngah nasa taka hma a lak avangin chawimawina Certificate hlan a ni.

Programme hi Dr. Zothankhuma Chhakchhuak, CMO Mamitin kaihruaiin Vaihlo-in Lung natna tam tak a thlen theih dan leh thisenzam a tihchhiat nasatzia a sawi bawk.

Programme hman zawh hian District Tobacco Control Cell Mamit leh Govt Mamit Higher Secondary School zirlaite'n "Choose Health Not Tobacco" tih thupui hmangin Charkawn Traffic Point atanga bultanin Field Veng Traffic Point thleng Placard kengin Rally neih nghal a ni bawk.