634/2024-2025

Mamit 31st May, 2024 :  Vawiin khan Siamliana Hall, Mamit-ah World No Tobacco Day hman a ni a. Pu Zoremthara Ralte, Addl.DC chuan khuallian niin a hmanpui a, Dr. Lalrinfela H chuan khualzahawm niin a hmanpui bawk.

Pu Zoremthara Ralte chuan kalkhawmte chu vaihlo do tur leh kan taksa tana tha lo te thlah ngam tura chahin, kan hriselna nasa taka tichhetu vaihlo leh a kaihhnawih chu kan hmelma anga en a, kan do tlat a tul takzet a ni a ti.

Khualzahawm Dr. Lalrinfela H District Medical Superintendent Mamit pawhin vaihlo leh a kaihhnawihin kan taksa a tihchhiat theih dan hrang hrangte leh kan hriselna tichhe thei vaihlo ban san a tul dante a tarlang bawk.

He hunah hian Pi Lalnunhlimi Social Worker NTCP-in vaihlo that loh zia inzirtirna hun a hmang bawk a ni. 

World No Tobacco Day hi  Pi Lalhlunpuii, Senior CMO chuan kaihruaiin, Dr Nancy Lalnunmawii District Consultant NTCP chuan lawmthusawina a nei a ni.