635/2024-2025
Aizawl, 31.5.2024: Vawiina Aizawl DC office in Cyclone Remal in chhiatna a thlen avanga Hlimen khawtlang atana a hlauhawnawm thu leh mipui him zawk nan a inthiarchhuak tura hriattirna a chhuah chu siamthat niin, a hnuai ami ang hian thu chhuah a ni:
He office atanga order chhuah (Order No. ngai, dated 30.05.2024) chu Hlimen-a chhiatna thlenna hmun leh a chhehvelte Directorate of Geology & Mining, Government of Mizoram-in an hmuh dan leh a hmuna thil awm dan te thlirin tih danglam a ngai a.
Chuvangin, Disaster Management Act, 2005-a section 33 (2) (iii) hmangin, kei, Nazuk Kumar, Deputy Commissioner & Chairperson, Aizawl District Disaster Management Authority chuan hetiang hian thupek ka chhuah tha leh a ni –
Hlimen khaw chhunga chhiatna thlenna bul hnaia in pathum (3) chhak lam chu a tawlh filh thlak rulh tawh avang leh ruah a sur zel chuan a hlauhawm theih dawn avangin, heng in pathumte hi chhuahsan tur a ni e.
June 1, 2024 (Inrinni) hian leilung lam zir mi leh sawrkar thuneitute’n a hmun hi an en chiang dawn a; he lai hmuna chengte himna tura ruahmanna leh hma lak zel dan tur chu in hriattir leh a ni ang.
