763/2026-2027 

Dated : Mamit the 29th of May, 2026 : Vawiin khan DC Conference Hall, Mamit-ah Pu Suvigya S Chandra, Chairman, District Level Task Force (Tobacco Control)/ District Bawrhsap hovin World No Tobacco Day hman a ni.

Pu Suvigya chuan kan taksa hriselna atan zuk leh hmuam laka kan fihlim a tul takzeta, tul lova sum khawhralna leh kan taksa hriselna tichhetu zuk leh hmuam do turin district mipuite a chah a, a bikin kum lama la naupang zawkte fihlim tura zirtirna kalpui chu thil pawimawh tak niin District Level Task Force (Tobacco Control) te pawh an hmalakna kawngah theihtawpchhuah zel turin a chah. 

He hunah hian Pi Lalnunhlimi, Social Worker (NTCP) chuan District Level Task Force (Tobacco Control) hmalak tawhna hrang hrang tarlangin, COTPA dan hnuaia inhumhalhna dan hrang hrangte a tarlang bawk. 

World No Tobacco Day - 2026 hi Dr. Saichhingpuii Sailo, Chief Medical Officer chuan kaihruaiin, kum naupang zawkte zuk leh hmuam laka venhim a tul thu a tarlang a ni. He hunah hian District Level Task Force (Tobacco control) member te leh Anti Tobacco Squad member te  an tel a ni.