764/2026-2027  

Aizawl the 29th May 2026: Vawiin tlai khan Chief Minister Pu Lalduhoma chuan a office-ah Joshua Van, UFC Fly Weight Champion lai, Mizoram tlawha lo zin chu thingpui a inpui a. Mizoram a rawn tlawh avanga lawmthu hrilhin, a hlawhtlinna ropui chuan Mizo thalaite nasa takin a fuih thu a hrilh. Mizorama a cham chhunga hun nuam tak hmang turin duhsakna a hlan bawk.

Joshua Van pawhin thu tawi sawiin, "Mizo mipuiten UFC Champion in neiah lo inngai rawh u. Mizoram hi ka ram anga ka ngaih, ka unaute anga ka en in ni", a ti a. Hun chep tak kara inhmuhna hun a buatsaihsak avangin Chief Minister hnenah hian lawmthu a sawi a ni.

Chief Minister hi Pu Lalnghinglova Hmar, Sports Minister leh Lt. Col. Clement Lalhmingthanga, MLA ten an tawiawm a ni.