Ramchhung hmundangte rualin tukin zing khan National Immunization Day (NID) hawnna Anganwadi Center H/S Veng Mamit ah neih a ni a. Pu Jacob Lalawmpuia, Addl DC chuan khuallian niin hawnna hun hmang.

Khuallian Pu Jacob Lalawmpuia, Addl. DC chuan Kan Pathian thu-a kan hmuh angin Mosia’n dar rul a khai kana, a en duh apiang an dam zel mai ang khan, Sorkarin kan fate hriselna ngai pawimawh a, hridanna a kalpui thinah, kan lo lak mai hi kan damna tur a ni a ti. hei hi mipui te'n kan ngaihlut zual deuh deuh a tul hle a ni tiin naupang kalkhawmte hnenah vaccine a pe bawk a ni.

He hun hi Dr. Lalmuanawma Jongte, District Immunization Officer (DIO) Mamit-in kaihruaiin zenghri pek beihpui thlak anih chhante a sawifiah a. Kumdangah chuan Intensified Pulse Polio Immunization (IPPC) hi tum hnih neih thin a ni a. Kuminah erawh chuan round khat chauh neih a ni thung ang. Mamit District chhunga  target zawng zawng hi naupang 9961 niin vaccine hi naupang kum5 hnuailam te hnenah pek tur an ni.